| |
 |
| |
葛只朋友勿上路，港到一半勿港勒！
格么让偶来继续港：
梅兰芳放白鸽迪桩事体是有葛，因为梅兰芳是近视眼，戏唱得介好，来勒台上表演呒么眼神勿来赛葛！迪息晨光还呒么无形眼镜有得配，有一只国外回来的医生对梅兰芳港：侬最好养白鸽！ 梅兰芳想，偶平时唱青衣花旦也来勿及勒，啥晨光还有空白相白鸽？ 迪只医生老认真葛港：侬每天从手里厢拿白鸽放出去，看牢伊一眼一眼飞出去，越来越小，拼命练眼火!断命迪种白鸽飞起来活碌了勿得了，一息息高，一息息低，一息息左，一息息右。飞到老远葛晨光，白鸽变得老小老小勒，侬眼乌子也盯牢伊看，保准侬的眼神练得滴沥骨碌，活碌得勿得了！
侬晓得伐？碰着阿拉梅先生做起事体来一向顶真了勿得了，天天一清早来了石库门屋里厢晒台上放白鸽，一年练下来，果然眼神活碌了，有光头了！二年练下来，眼乌子滴沥骨碌，像煞会港闲话一样咯。所以，梅兰芳以后唱戏，只要在台上伊伊呀呀一发声音，两只眼乌子再滴沥骨碌一转，台下头葛帮姨太太，小开娘票友的喝彩象田鸡萝打翻，嫩手拍得血血红，喉咙喊得吃胖大海，乖乖勿得了，恨不得拿阿拉梅先生生吞活剥吃下去！每场演出的喝彩声，可以拿天蟾舞台屋顶也嚣塌勒！没办法，老阿姨吃煞脱伊勒！
|
|
作者：
